好多人覺得,身形龐大嘅人一定會比其他人更大食。但係事實並非如此。 有專家指出,平常使用相對較大嘅器皿裝載食物,會比平常食得更多。
University of Illinois 研究指出,用大碗碟盛載食物會令人食量無形間增多;相反,用小碗碟就算裝滿曬食物,份量其實都會比大碗碟裝得少,但係視覺就大大唔同,會令人產生錯覺以為自己已經食咗好多,自自然然食量會減少。所以專家提倡每餐盛載食物用嘅碟直徑應該要係9吋或者10吋。簡單嚟講,用越細嘅碟裝載食物,平均來說可以減少攝取135卡路里。 另一邊廂,原來碗碟嘅顏色同埋食具都會影響食量。用較深色嘅碗碟,盛載相對淺色嘅食物,就可以比人望清楚食物嘅份量,從而減少卡路里吸收。
資料來源: https://njaes.rutgers.edu/sshw/message/message.asp?p=Health&m=172