上次就講過關於食具點樣影響食量嘅話題，今日就想同大家講下減肥期間點樣食零食先最fit!

美國專家指出，除非肚餓先好食零食。

有報告指，如果零食放曬喺枱面或者當眼處，人就會不自覺咁不停食零食，所以盡量將d零食收好啦！ 另外，飲品嘅話，用比較高同埋窄身嘅杯會比用矮身嘅杯好。用高身嘅杯可以裝少25-29%，所以自自然然可以吸收少d卡路里。除咗杯嘅Size之外，盡量飲多d水，少飲含糖飲料都係明智之選！ 而專家仲提出咗一個控制零食分量嘅好方法添！你可以試下將買返嚟嘅零食重新包裝，例如將曲奇餅、堅果、水果乾、薯片等等用細d嘅膠袋重新包裝，每包大概100-200卡路里左右，咁餐同餐之間就可以食少20%嘅零食啦！

資料來源: https://njaes.rutgers.edu/sshw/message/message.asp?p=Health&m=172